Drifta av eit skisenter på Harpefossen sin storleik medfører mykje ansvar og mange arbeidsoppgåver. Preparering av nedfartar og turløyper er  av dei mest krevjande oppgåvene. Både publikum og vi sjølve stiller store krav til kvaliteten på løypene, og vi har etterkvart fått store område vi skal rekke over, ofte så nær opningstida som råd. 
Ellers så er det få anlegg som har  like bratte løyper som  hovudtraseen  på Harpefossen. Kombinert med eit   variabelt klima, blir  det veldig krevande å holde gode forhold her. Tung og våt snø medfører  stor belasting på utstyret, og slitasje på eit snølag som ofte kan vere sparsamt. 
Det aller meste av arbeidet blir gjort på dugnad, og vi vil derfor minst mulig belaste folk med arbeid om natta. Vi satsar på å få arbeidet gjort på kveldstid og tidleg morgon/føremiddag.

Alpinløyper.
Alle nedfartar skal preparerast framfor kvar dag i helgane, så langt snøforholda tillet det. I kaldt og stabilt vêr blir dette gjort på kveldstid. I periodar med sjanse for snøfall blir det gjort  tidlig morgon/føremiddag.
Framfor kveldskøyringane skal  det meste av  areal som ligg innanfor flomlyset si rekkevidde preparerast.

Turløyper: 
Lysløypa skal preparerast med spor på ettermiddag tysdag og torsdag (ca kl 16.00) og på dagtid onsdag, fredag, laurdag og søndag (ca kl 10.00)
Turløypa på Brekka blir preparert etter behov på vekedagar, og skal vere nypreparert laurdag og søndag.
Frå vinterferien blir det køyrt løype i Kjenndalen og på Steinegga i helgar med fint vêr.

Maskiner:
For nokre  år sidan fekk vi ei nyare og større maskin som har winsj. Med denne maskina blei det eit nytt liv både for publikum og for maskinførarar. Denne maskina blir mest brukt i hovudtraseen der vi har dei brattaste og mest krevande områda der winsjen verkelig kjem til nytte..
Kässbohrer  Pisten Bully 300 DW 1999 modell. 

Vi har også to andre maskiner utan winsj i tilsvarande størrelse og tilnærma same årsmodellar. Den eine er har utsyr for legging av spor i lysløypa og turløypene. 
Det seier seg sjølv at med ein maskinpark der maskinene er meir enn ti år gamle, blir det ein del driftstans og reparasjonsarbeid. I investeringsplanane våre ligg det inne at vi skal fornye maskina med winsj til sesongen 2013 (neste sesong)