
Juryen hadde ei vanskelig, men trivelig oppgåve å plukke ut dei beste bileta i fotokonkurransen. Vi fekk inn ca 100 flotte og varierte bilete. Alle er blitt nøye vurderte av den ubestikkelige juryen, som har bestått av Steinar Engeland (formann), Jarle Tor Åsebø og Stein Bjørhovde. Vi enda opp med 6 bilete som vi gjerne vil premiere. Her kan du sjå vinnarbileta og lese juryen si grunngjeving for kåringa.

Klikk for stort bilete
Nr 1 Fjellheimen
Her er vinnarbiletet. Fotograf Svein Hjelmeseth, teke frå Steineggja.
Ein serie på fire bilder av Svein Hjelmeseth.
Vi har valgt bilde «Fjellheimen» som det aller beste. Ein fantastisk fin
dag på fjellet. Flott komposisjon og godt handverk, der han på ein god måte har fått
fram dimensjonane i fjella og forholda rundt Harpefossen.
Han får sesongkort i skiheisane for komande sesong som premie.

Klikk for stort bilete
Nr 2 Spor i nysnøen
Fotograf: Tonje Larsen.
Reint og fint bilde med god komposisjon og historie.
Dette er nok spora etter den første heldige som med skia på
ryggen har labba seg til topps, for så å setje utføre på ein jomfrueleg tur i puddersnøen.
Vi gratulerar med weekendkort i heisane som premie!

Klikk for stort bilete
Nr 3: Folk i farta
Fotograf Stig Silden har vore «tett på» motivet og gjeve oss
følelsen av å vere med på det som skjer. Eit «gladbilde».
Det utslagsgjevande er den flotte kontrasten mellom den raude buksa
og den knallblå himmelen. Med eit betre utsnitt kunne dette vore ein vinnar.
Premie: Sesongkort parkering komande sesong

Klikk for stort bilete
Nr 4: Hyttegrenda
Fotograf Robert Haugan har gjort oss som ikkje har hytte på
Harpefossen skikkeleg misunnelege!
Dette er vel draumen: Ei fin og koseleg hytte som ligg lunt og
trygt inn mellom dei kvite snødynene, tett opp til vintereventyret.
Flott komponert bilde!
Premie: Valfritt hettegenser elle fleecejakke i skishopen vår.

Klikk for stort bilete
Nr 5: Edderkoppdama
Dette var festleg: «Edderkoppdama» - Fotograf Roger Gulestø skapar illusjonen av 6 bein her ...
Dette viser kva det heile handlar om - ekte skiglede!
Premie: Valfritt hettegenser elle fleecejakke i skishopen vår.
Klikk for stort bilete
Nr 6 : Over skyene....
Fotograf Nikoline Lillestøl-Moltu.
Frå toppen av skitrekket, der vi skodar ut over skoddeheimen, med dei stolte
fjella i sør som ragar i det fjerne.
Ordtaker stemmer nok det ... «Over skyene er himmelen alltid blå»,
spesielt på Harpefossen! Flott komposisjon.
Premie: Valfritt hettegenser elle fleecejakke i skishopen vår.
Alle bileta er publiserte i eit fotoalbum som du finn her...
|