|
fredag 02. april 2010 |
Demontering av vendehjulet er ein omfattande operasjon. Her er eit bilete frå eit tidligare lagerbytte
Det blei ein lang skjærtorsdag for Oddgeir, Bjørn, Arvid, Jon, Kjell og fleire andre gode hjelparar etter at lageret i vendehjulet på H-fjellheisen havarerte midt på dagen i går. Dette lageret har hatt unormalt kort levetid, noko vi har mistanke om skuldast ein skade på vendehjulet etter eit tidlegare lagerhavari. Sjølv om det var helgedag i går, klarte Bjørn å spore opp at skisenteret på Ørskogfjellet hadde eit pent brukt tilsvarande vendehjul liggande, og i 23-tida i går kveld var dette hjulet på plass i garasjen her på Harpefossen. Etter nokre timars kvile midt på natta, var folk grytidlig i sving igjen i dag, og no klokka 08.30 er det nye vendehjulet på plass i heisen. No gjenstår berre stramming av wiren med hjelp av det 3 tonn tunge strammeloddet, så er den 30 år gamle arbeidsmerra av eit skitrekk klart til bruk igjen.
Vi må berre rette ein stor takk til alle som har spandert kvelden og natta, og gjort ein stor innsats for å få dette til!
|
