|
Farvel til ein trufast slitar |
|
lørdag 16. januar 2010 |
Arvid Remme har klargjort maskina for salg til eit skianlegg på Sunnmøre
I 1985 kjøpte Harpefossen Skitrekk, som selskapet heitte den gongen, ei heilt ny trakkemaskin. Maskina var utstyrt med hydraulisk frontskjær og fres, noko som blei ein revolusjon i løypeprepareringa, både i bakkane og turløypene. Sidan har maskina tent oss trufast i alle dei 25 åra som har gått, fram til i dag. Då kjem folk frå eit skianlegg i Valldal på Sunnmøre for å hente maskina dei har kjøpt.
Det var ein stolt Arvid Remme som køyrde maskina til toppen fyrste gongen i 1985 (biletet under), og i går gjorde han maskina klar til levering. Dette gjev oss alle i skisenteret ei nyttig påminning: Det løner seg med omsorg, godt stell og vedlikehald. Då varer alt mykje lenger, dette gjeld både maskiner og folk.
Arvid på toppen med nyemaskina i 1985
|
