|
Enno vinter på Harpefossen |
|
fredag 27. mars 2009 |
Sjølv om det er vårstemning langs fjorden og i hagane til folk, har vi fortsatt vinter og fine skiforhold på Harpefossen, og no ser den ut til at vi endeleg får ei helg med fint vêr, skal vi tru vêrmeldingane.
Mars har så langt bydd på lite sol og lite realt vinterver. Snøgrensa har for det meste blitt liggande rundt Lystlihogjen, ca 400 m.o.h., så det har minka på snøen rundt heisstasjonane, mens det det har auka med snø oppe i fjellet. Det er såleis kunstsnøen som gjer oss i stand til å ha opne heisar og gode forhold i nedre del av skibakkane. I øvre del av løypene har vi rikeleg med natursnø og forholda er glimrande. For tida er det også kjempeflotte forhold for turar innover i fjellet, og i helga vil det bli køyrt løype i Kjenndalen og på Steineggja. Turløypa på Brekka vil også bli preparert etter behov.
Vi håpar fortsatt på at vi kan få påfyll av litt meir natursnø, og vi står klar til å starte opp snøproduksjonsanlegget så snart vi får ei natt med mange nok minusgrader, slik at vi kan tilby best mogeleg forhold til påskeutfarten.
Kveldskøyring i kveld 17.30 - 20.30. Det er lenge lyst kveldane no!
|
