Det går mot ei helg med svært stor aktivitet på Harpefossen, på mange frontar.
Laurdag og søndag arrangerar Haugen IL alpingruppa dei tradisjonsrike Harpefossrenna. Laurdag ettermiddag er det klart for slalåmrenn med to omgangar for alle klasser. Dei som er 11 år og eldre tek med seg resultatet frå beste omgangen til ein kombinasjonskonkurranse søndag føremiddag. Då er det stor fart og spaning og klart for to  renn i SuperG, der det eine rennet inngår i Superkombinasjon med slalåmrennet frå laurdag. Arrangørane ventar stor deltaking og fartsfylte og spanande konkurransar. Forholda i løypene er svært bra, og det er lovande vermeldingar for både laurdag og søndag.Vi kunne ønskt oss litt meir snø somme stader, men dei som har ansvaret for preparering har gjort ein glimrande jobb, og så har vi fått  4-5 cm puddersnø siste dagane, som eit lag med pynt på kaka!

Også langrennsgruppa i Haugen IL står framfor ei travel helg. Søndag har dei arrangøransvaret for det femte rennet i SSF-cupen i langrenn. Rennet går i fristil, og er ope for alle klasser. Det er  venta stor deltaking og mykje flott idrett i langrennsløypene på Harpefossen denne søndagen.