Den nye heisen på Furuhogane har vore i drift to veker no, og den har blitt svært godt motteken av publikum.
Målet med å bygge ein ny heis lenger aust og høgare oppe i fjellet, var å gje skisenteret ein ny dimensjon og enda eit bein og stå på, og så langt har forventningane blitt rikelig oppfylte. Heisen gjev publikum tilgang til nye familievenlege nedfartar, og store område til frikøyring i laussnøen, både i skogsterreng og ope lende.

På dager som dette med høgtrykk,  kaldt ver og lav sol, viser det seg at temperaturen ved påstigninga ved Kjenndalsheisen ligg 4-5 grader høgare enn nede ved Varmestova, og når ein kjem opp i sola ved mast 2-3 stig temperaturen enda nokre  grader, i tillegg til velværet ein kjenner ved å kome opp i sollyset.

Tilstrøyminga av folk disse to fyrste dagane i romjula har vore svært bra, og dei fleste har funne vegen opp til den nye heisen. Statistikken i billettsystemet viser at  ca 300 personar har vore innom kvar av dagene. Vi har hatt ei billettomsetning på ca kr 150.000 på dei to fyrste juledagane til saman, og vi har allereie med god margin passert ein million i omsetning for sesongen totalt. Dette skuldast selvfølgelig ikkje berre den nye heisen, men heng også saman med tidlig vinter og stabile og fine snø- og  verforhold, som gjev godt salg av sesongkort.

Vermeldingane for romjula lovar fortsatt kaldt vinterver, men med  påfyll av puddersnø litt utover i veka, så det blir rikelig høve til å prøve både turski og alpinutstyr.